उत्तर :

ज्वालामाई उपभोग्य वस्तु सङ्कलन तथा वितरण कम्पनी
कोहलपुर, बाँके

मिति : २०७७/१२/२५

प.स. : ०७७/०७८
च.नं. : ७५/०७७

श्रीमान् प्रबन्ध निर्देशक,
कर्नाली उत्पादन तथा वितरण केन्द्र
चिसापानी, कैलाली ।

विषय : आपूर्ति सम्झौता एवं सहकार्य सम्बन्धमा ।

महोदय,

उपर्युक्त विषयमा यस कम्पनीले विगत पाँच वर्षदेखि विभिन्न उत्पादकबाट दैनिक उपभोगमा आउने सामग्री तथा अन्य वस्तुहरू सङ्कलन गरी थोक र खुद्रा रूपमा व्यवस्थित तथा प्रभावकारी ढङ्गले बिक्री वितरण गर्दै आएको जानकारी गराउन चाहन्छु। उपभोक्ताको माग निरन्तर बढिरहेको वर्तमान अवस्थामा तपाईंको कम्पनीबाट उत्पादित अर्गानिक खाद्यपदार्थ तथा अन्य उपभोग्य वस्तुहरू हाम्रो बजारमार्फत बिक्री वितरण गर्ने इच्छा रहेको छ।

यसै उद्देश्यले दुवै संस्थाबीच व्यावसायिक सहकार्य स्थापना गर्ने प्रस्ताव प्रस्तुत गर्दछु। आपसी सम्बन्धलाई अघि बढाउन यथाशीघ्र आवश्यक पहल हुने विश्वास राख्दै तपाईंको संस्थाबाट उपलब्ध हुने उत्पादित तथा सङ्कलित वस्तुहरूको विस्तृत विवरण र मूल्यसूचीसमेत पठाइदिनुहुन अनुरोध गर्दछु।

सहयोगका लागि धन्यवाद !

भवदीय
.................

श्रेया शर्मा
कम्पनी प्रमुख

उत्तर :

टिकट

प्रेषक :
ज्वालामाई उपभोग्य वस्तु सङ्कलन तथा वितरण कम्पनी

प्रापक :
श्रीमान् प्रबन्ध निर्देशक
कर्नाली उत्पादन तथा वितरण केन्द्र

उत्तर :

पौडेल पुस्तक पसल
रत्ननगर-१३, चितवन
बागमती प्रदेश, नेपाल ।

मिति : २०७७/१०/१३

प.स. : ०७७/०७८
च.नं. : ७५/०७७

श्रीमान् प्रबन्ध निर्देशक,
नेपाल प्रज्ञा प्रतिष्ठान,
कमलादी, काठमाडौँ ।

विषय : सन्दर्भ पुस्तकहरू उपलब्ध गराइदिने सम्बन्धमा ।

महोदय,

उपर्युक्त विषयमा यस पौडेल पुस्तक पसलले विगत दुई दशकदेखि नेपाल प्रज्ञा प्रतिष्ठानबाट प्रकाशित पुस्तकहरूको बिक्री वितरण गर्दै आएको कुरा स्मरण गराउन चाहन्छु। प्रतिष्ठानबाट प्रकाशित सामग्रीहरू यस क्षेत्रका पाठकहरूमाझ लोकप्रिय रहेको र तिनको माग पनि बढिरहेको हुँदा हालै प्रकाशित निम्न पुस्तकहरू उपलब्ध गराइदिनुहुन अनुरोध गर्दछु :

उल्लिखित पुस्तकहरूको भुक्तानीका लागि त्यस प्रतिष्ठानको नाममा रहेको नेपाल बैङ्कको खाता नं. १०००००००००७७५ मा पेस्कीस्वरूप रू. २०००० (अक्षरेपि बिस हजार रूपियाँ मात्र) जम्मा गरिएको बैङ्क भौचर यसै पत्रसँग संलग्न गरेको छु। बाँकी रकम पुस्तक तथा बिल प्राप्त भएपछि भुक्तानी गरिने व्यहोरा जानकारी गराउँदछु।

सहयोगका लागि धन्यवाद !

भवदीय
.................
प्रो. सुवर्ण पौडेल

खामको नमुना

टिकट

प्रेषक :
पौडेल पुस्तक पसल,
रत्ननगर-१३, चितवन
बागमती प्रदेश, नेपाल

प्रापक :
श्रीमान् प्रबन्ध निर्देशक,
नेपाल प्रज्ञा प्रतिष्ठान,
कमलादी, काठमाडौँ

उत्तर :

खामको नमुना

टिकट

प्रेषक :
सुनिता दङ्गाल
सङ्खुवासभा,
प्रदेश नं. १, नेपाल

प्रापक :
सुप्रित दङ्गाल
हमद अन्तर्राष्ट्रिय एयरपोर्ट
दोहा, कतार

उत्तर :

श्री नेचासल्यान गाउँपालिका
सोलुखुम्बु ।

मिति : २०७७/१०/१३

प.स. : ०७७/०७८
च.नं. : ७५/०७७

पाठ्यक्रम विकास केन्द्र,
सानोठिमी, भक्तपुर ।

विषय : कार्यक्रम सञ्चालन सम्बन्धमा ।

महोदय,

स्थानीय तहसँगको सहकार्यमा विद्यालय पाठ्यक्रम तथा पाठ्यपुस्तकसम्बन्धी अभिमुखीकरण, प्रशिक्षण, तालिम, गोष्ठी तथा अन्तरक्रियाजस्ता कार्यक्रम सञ्चालन गर्दै आउनुभएकोमा धन्यवाद व्यक्त गर्दछौँ। हाम्रो गाउँपालिकामा पनि यस्ता कार्यक्रम आयोजना गरी विद्यालयहरूको शिक्षण सिकाइलाई प्रभावकारी बनाउने उद्देश्य रहेको छ।

यस गाउँपालिकाअन्तर्गतका १२ वटा सामुदायिक विद्यालयबाट करिब १५० जना शिक्षक सहभागी हुने गरी पाठ्यक्रम तथा पाठ्यपुस्तकसम्बन्धी अभिमुखीकरण प्रशिक्षण र अन्तरक्रिया कार्यक्रम सञ्चालन गर्ने निर्णय गाउँपालिका बोर्डबाट भएको जानकारी गराउँदछौँ। कार्यक्रमको विस्तृत योजना तथा लागत निर्धारण भएपछि आवश्यक जानकारी पुनः उपलब्ध गराइनेछ।

सहयोगका लागि धन्यवाद !

भवदीय
.............
अध्यक्ष

खामको नमुना

टिकट

प्रेषक :
नेचासल्यान गाउँपालिका,
सोलुखुम्बु, नेपाल

प्रापक :
पाठ्यक्रम विकास केन्द्र,
सानोठिमी, भक्तपुर, नेपाल

उत्तर :

बुँदाहरू :

१. नेपालमा पाँच प्रकारको हावापानी पाइनु।
२. तराई, भावर, दुन र चुरे पर्वतको आसपासमा ऊष्ण मनसुनी अनि चुरे पहाड र महाभारत पर्वत क्षेत्रमा न्यानो समशीतोष्ण हावापानी पाइनु।
३. महाभारत पर्वतको उच्च भाग र हिमालको तल्लो भागमा ठण्डा समशीतोष्ण र हिमाली क्षेत्रमा शुष्क ठण्डा लेकाली हावापानी पाइनु।
४. उच्च हिमाली क्षेत्रमा ऋणात्मक तापक्रम हुने हिमाली हावापानी पाइनु।

सारांश :

नेपालको हावापानी

नेपालमा ऊष्ण मनसुनी, न्यानो समशीतोष्ण, ठण्डा समशीतोष्ण, लेकाली र हिमाली गरी पाँच प्रकारको हावापानी पाइन्छ। तराई, भावर, दुन तथा चुरे आसपास ऊष्ण मनसुनी हावापानी पाइन्छ भने चुरे र महाभारत क्षेत्रमा न्यानो समशीतोष्ण हावापानी पाइन्छ। महाभारतको उच्च भाग र हिमालको तल्लो क्षेत्रमा ठण्डा समशीतोष्ण तथा हिमाली क्षेत्रमा शुष्क ठण्डा लेकाली हावापानी पाइन्छ। उच्च हिमाली क्षेत्रमा ऋणात्मक तापक्रम भएको हावापानी पाइन्छ।

अनुच्छेदमा भएको शब्दसङ्ख्या : २२१
एक तृतीयांशमा हुने शब्दसङ्ख्या : ७३.६
सारांशमा भएको शब्दसङ्ख्या : ७३

उत्तर :

भरपाई

भरपाई दादै नेपाल प्रज्ञा प्रतिष्ठानबाट नेपाली भाषाको श्रीवृद्धिका लागि कालिका पुस्तकालय, रसुवालाई नेपाली भाषाप्रेमीको भाषिक शुद्धता एवं अर्थबोधमा सहजता होओस् भन्ने हेतुले प्रदान गरिएको बृहत् नेपाली शब्दकोश (दुई प्रति) निम्नानुसार बुझिलिएको भरपाई गरिदिएँ :

मिति : २०७७ चैत्र ४ गते बुधवार

उत्तर :

तमसुक

लिखितम् चितवन जिल्ला रत्ननगर नगरपालिका वडा नम्बर १३, चितवन, अमेलिया टोल बस्ने विष्णुप्रसादको नाति, कृष्णप्रसादको छोरा वर्ष १९ को म सुबर्ण पौडेलले आफ्नो घरखर्च गर्न भनी ऐजन जिल्ला ऐजन महानगरपालिका वडा नम्बर ४, नयाँबजार बस्ने छबिलालको नाति इश्वोरप्रसादको छोरा वर्ष ४० को तपाईं विशाल शर्माबाट रु. ५०,000/- (अक्षरेपि पचास हजार मात्र) आजैका मितिमा ऋण सापटी स्वरुप लिएको छु । यस रकमको वार्षिक दश प्रतिशतका दरले ब्याज बुझाउने छु र पाँच वर्षभित्रमा सम्पूर्ण सावाँ ब्याज चुक्ता गरिसक्ने छु । यदि यस कबोलअनुसार नबुझाएमा मेरो जायजेथा, घरजग्गाबाट कानुनबमोजिम असुल गरिलिन मेरो मन्जुरी छ । यो तमसुक मेरो राजीखुसीसाथ गरेको हुँ । व्यहोरा साँचो हो । झुठा ठहरे कानुनबमोजिम सहने बुझाउने छु । साक्षी किनारामा सदरमुकाम साहुको घर आँगन । इति संवत् २०७८ साल मंगसिर २० गते रोज १ बार शुभम् ।

साक्षी :

........... चितवन जिल्ला रत्ननगर नगरपालिका वडा नम्बर १३ बस्ने वर्ष १९ को चिरन्जिबी पौडेल - १

........... ऐजन जिल्ला ऐजन महानगरपालिका वडा नम्बर ४ बस्ने सुनिल शर्मा - १

........... लेखक: ऐ.ऐ. वडा नम्बर ४ बस्ने रितेश शर्मा

आसामिको हस्ताक्षर :
.............

औठा छाप :

दायाँ  बायाँ

उत्तर :

सम्झौता पत्र / करारनामा

नेपाल माध्यमिक विद्यालय, रत्ननगर-२, चितवन र ऐजन जिल्ला ऐजन नगरपालिका वडा नम्बर १३ निवासी श्री विशाल पौडेलसँग तपसिलका कार्य गर्नका लागि देहायबमोजिमको सतको अधीनमा रहेर दोस्रो पक्षले पहिलो पक्षलाई सेवा उपलब्ध गराउन मञ्जुर भई यो सम्झौता गरिएको छ । यो सम्झौताका एक एकप्रति आपसमा बुझिलियौ दियौं ।

सर्तहरू

१. गर्नुपर्ने कामको विवरण : दोस्रो पक्षले नेपाल माध्यमिक विद्यालय, रत्ननगर-१३, चितवनमा पुस्तकालय भवन निर्माण कार्य गर्नुपर्ने छ । उक्त भवन निर्माणकार्य चितवन नगरपालिकाबाट प्राप्त लागत, विवरण र डिजाइन अनुसार गर्नुपर्ने छ ।

२. दोस्रो पक्षले प्रचलित कानुनमा व्यवस्था भएका भवन निर्माणसम्बन्धी सम्पूर्ण नियमहरू पालना गर्नुपर्ने छ ।

३. भुक्तानी : नगरपालिकाबाट प्राप्त लागत, विवरण र डिजाइन अनुसार निर्माण कार्य सम्पन्न भइ सम्पूर्ण कागजात नगरपालिकामा पेश गरेपछि नियमबमोजिम एक महिनाभित्र रकम भुक्तानी गरिने छ ।

४. धरौटी : कुल लागत विवरणमा उल्लेख भएको रकमको १० प्रतिशतका दरले हुन आउने रकम विद्यालयको नेपाल बैङ्क लिमिटेडमा रहेको खाता नं. १३२००००००५ मा जम्मा गर्नुपर्ने छ ।

५. सम्झौता भङ्ग गर्न चाहेमा कम्तीमा १५ दिनको समय दिई एक पक्षले अर्को पक्षलाई लिखित रूपमा सूचना दिनुपर्ने छ ।

६. सम्झौताको अवधि २०७९ साल वैशाख १ गतेदेखि २०८० चैत्र मसान्तसम्म एक वर्षको हुने छ ।

रोहबर वडा अध्यक्ष ...............
श्री वडा सचिव ...............
श्री रत्ननगर नगरपालिका वडा नम्बर ..... वडा कार्यालय, चितवन ।

इति संवत् २०७९ साल वैशाख १ गते ६ रोज शुभम्

उत्तर :

श्रीमान् वडाध्यक्ष,
रत्ननगर नगरपालिका २,
टाँडी, चितवन ।

विषय : मन्जुरीनामा सम्बन्धमा ।

उपर्युक्त सम्बन्धमा म चितवन नगरपालिका वडा नं. २ निवासी स्थायी बासिन्दा हुँ । यस वडामा सार्वजनिक शौचालयको अभाव भएको कारण सार्वजनिक स्थलहरूमा खुला दिसा पिसाब गर्ने गरिएको छ जसका कारण वडा नै दुर्गन्धित हुँदै गएको अवस्था छ । यस वडाले हाम्रो टोलमा सार्वजनिक शौचालय निर्माणका लागि ढुङ्गाको अभाव भएको तथ्यलाई मनन गर्दै मेरो जग्गामा रहेको ढुङ्गाखानीबाट हाम्रो टोलमा सार्वजनिक शौचालय निर्माणका लागि चाहिने आवश्यक ढुङ्गा निकाली लैजानका लागि मैले र. न. पा. २ को वडा कार्यालयलाई राजीखुसीका साथ मन्जुरीनामा दिएको छु । व्यहोरा साँचो हो, झुठा ठहरे कानुनबमोजिम सहुँला बुझाउँला । इति मिति २०७८ मङ्सिर ०८ गते बुधबार ।

भवदीय
सही : ..............

जयेश्वोर साह

उत्तर :

श्री महेन्द्र माध्यमिक विद्यालयको
आवश्यकतासम्बन्धी सूचना

(पहिलो पटक प्रकाशित मिति : २०७८/०६/१६)

उपर्युक्त सम्बन्धमा वौदीकाली गाउँपालिकाको गाउँ कार्यपालिकाको निर्णय अनुसार श्री डेढगाउँ माध्यमिक विद्यालय, डेढगाउँ, नवलपुरको मा.वि. तहको विज्ञान विषय शिक्षकलाई यस गाउँपालिकाको स्रोत व्यक्ति पदमा काज ल्याउँदा रिक्त हुन गएको उक्त पदमा सट्टा शिक्षक नियुक्ति गर्न आवश्यक परेकोले यो विज्ञापन प्रकाशित गरीन्छ । ईच्छुक नेपाली नागरिकले निम्न बुँदाको आधारमा दरखास्त दिनुहुन जानकारी गराईन्छ ।

तपशिल :

१. आवश्यक पद : मा.वि विज्ञान शिक्षक ।
२. पद संख्या : १
३. दरखास्त दस्तुर : रु. १०००/-
४. नियुक्तिको प्रकार : सट्टा शिक्षक ।
५. योग्यता : B.Sc र तालिम प्राप्त वा सो सरह विज्ञान विषय लिएको ।
६. उमेर : १८ वर्ष पुरा भई ४० वर्ष ननाघेको ।
७. दरखास्त दिने अन्तिम मिति : २०७६/०६/३० सम्म ।
८. सम्पर्क मिति : २०७६/०६/३० गते ५ बजे ।
९. परीक्षाको किसिम : लिखित र मौखिक ।
१०. परीक्षा र अन्तर्वार्ता मिति सम्पर्क मितिमा सोकिने छ ।
११. तलव स्केल : मा.वि. तह तृतीय श्रेणी ।
१२. आवश्यक कागजात : नेपाली नागरिकताको प्रमाण पत्र, शैक्षिक योग्यताको प्रमाण पत्र, अध्यापन अनुमति पत्र, निरोगिताको प्रमाण पत्र ।
१३. दरखास्त दिने स्थान : वौदीकाली गाउँ कार्यपालिकाको कार्यालय, डेढगाउँ ।

....................
विनोद खनाल
प्रमुख प्रशासकिय अधिकृत

उत्तर :

बजारमा उपलब्ध छ !

आफ्नो नेपाली लेखन सुधार्न चाहनेहरू, नेपाली लेख्नै पर्ने पेशा-व्यवसायमा रहेकाहरू तथा सरकारी अड्डा, अदालत, व्यवसाय, बैंक, विद्यालय आदिमा कार्यरत सबैका निम्ति यो पुस्तक अत्यन्त उपयोगी छ । यो साथमा भएपछि नेपाली कसरी लेख्ने होला भनेर कोही पनि द्विविधामा पर्नुपर्ने छैन ।

शिक्षक मासिक
जावलाखेल, ललितपुर
फोन : ५५९९२५२, ५५९९१४२. मो: ९८९९ ९०५७८०

उत्तर :

श्री नेपाल माध्येमिक विद्यालय

मिति : २०७८ / १२ / २०

शैक्षिक भ्रमणसम्बन्धी सूचना

नयाँ वर्ष २०७९ का अवसरमा यस विद्यालयद्वारा कक्षा १२ मा अध्ययनरत विद्यार्थीहरूका लागि एक दिने शैक्षिक भ्रमण कार्यक्रमको आयोजना गर्न लागिएको हुँदा सबै विद्यार्थीहरूले समयमै सम्पर्क राख्नुहुन अनुरोध गरिन्छ ।

सम्पर्कका लागि :

कार्यक्रमको आयोजक: राम प्रसाद शर्मा
फोन : ९८९९ ९०५७८०

...................
प्रधानाध्यापक

द्रष्टव्य: कृपया चैत २८ सम्म सम्पर्क गरिसक्नुपर्ने छ ।

उत्तर :

श्री महेन्द्र माध्यमिक विद्यालय

छात्राबास भवन निर्माणसम्बन्धी सिलबन्दी बोलपत्र आह्वानको सूचना !

(प्रथम पटक प्रकाशन मिति : २०७८ / १० / १० गते)

यस विद्यालयमा रत्ननगर नगरपालिका वडा नं २ द्वारा विनियोजित रकमबाट छात्राबास भवन निर्माण गर्नुपर्ने भएकाले नेपाल सरकारबाट इजाजत प्राप्त निर्माण कम्पनीले तपसिलबमोजिमको सर्तको अधीनमा रही रितपूर्वकको बोलपत्र पेस गर्नुहुन यो सूचना प्रकाशन गरिएको छ ।

१. यो सूचना प्रकाशित भएको मितिदेखि ३० औं दिनसम्म बोलपत्र फाराम यस विद्यालयबाट प्राप्त गर्न सकिने छ ।

२. खरिद गरिएका बोलपत्र फारामका महल स्पष्ट रुपमा भरी प्रत्येक पानामा सहीछाप गरी प्रथम पटक सूचना प्रकाशन भएको मितिदेखि ३५ औं दिन दिनको १२ बजेभित्र यस कार्यालयमा उपस्थित भई वा बोलपत्र र आवश्यक कागजातको स्क्यान गरी अनलाइनमार्फत दर्ता गर्नुपर्ने छ ।

३. बोलपत्रका साथ सम्बन्धित व्यक्तिको नागरिकता, अद्यावधिक नवीकरण गरेको व्यवसाय दर्ताको इजाजतपत्र, अद्यावधिक नवीकरण पत्र संस्था वा कम्पनी दर्ताको प्रमाणपत्र, मूल्य अभिवृद्धि करमा दर्ताको प्रमाणपत्र, स्थायी लेखा नम्बरको प्रमाणपत्र, आ.ब. ०७६ सम्मको कर चुक्ता गरेको कागजातका प्रमाणित प्रति पेस गर्नुपर्नेछ ।

४. बोलपत्र फारामसाथ जमानतबापतको रकम यस विद्यालयको नाममा रहेको राष्ट्रिय वाणिज्य बैङ्क चल्ती खाता नम्बर १००००००००००००००१ मा एकमुष्ट दाखिला गरेको सक्कल भौचर पेस गर्नुपर्ने छ ।

५. दर्ता हुन आएका सिलबन्दी तथा अनलाइनमा दर्ता भएका बोलपत्र फाराम ३६ औं दिन दिनको ३:०० बजे यस कार्यालयमा नियमपूर्वक खोलिने छ ।

६. बोलपत्र फाराम खरिद गर्ने वा दाखिला गर्ने दिन सार्वजनिक बिदा परेमा विदापछिको कार्यालय खुलेको दिन सोही समयमा उक्त कार्य हुने छ ।

७. प्राप्त बोलपत्र स्वीकृत गर्ने वा नगर्ने सम्पूर्ण अधिकार यस कार्यालयमा सुरक्षित रहने छ ।

८. रित नपुगेका र म्याद नाघिआएका बोलपत्रउपर कुनै कारबाही गरिने छैन ।

९. बोलपत्रसम्बन्धी अन्य सर्त बोलपत्र फाराममा उल्लेख गरेबमोजिम हुने छन् ।

१०. अन्य कार्यविधि नेपाल सरकारका आर्थिक प्रशासनसम्बन्धी ऐन तथा नियमावलीअनुसार हुने छ ।

११. थप जानकारीका लागि यस विद्यालयको कार्यालयमा सम्पर्क गर्न सकिने छ ।

....................
प्रधानाध्यापक

उत्तर :

पूर्वाधार विकास कार्यालय
भरतपुर, चितवन

मिति : २०७८/१०/१०

टिप्पणी र आदेश

श्रीमान् कार्यालय प्रमुख

विषय : दरभाउपत्र स्वीकृति सम्बन्धमा ।

यस कार्यालयको स्वीकृत कार्यक्रमअनुसार जिल्ला चितवन, भरतपुर महानगरपालिका वडा नं. १८ अन्तर्गतका सडक कालोपत्रे तथा कलभर्ट निर्माण गर्नुपर्ने सन्दर्भ जानकारीका लागि अनुरोध छ । यस कार्यालयको मौजुदा सूचीमा रहेका निर्माण कम्पनीबाट सात दिनभित्र दररेट पेस गर्न यस कार्यालयको मिति २०७८/०३/१५ गतेको पत्रबाट माग गरिएबमोजिम सात दिनको अवधिभित्र यस कार्यालयमा तपसिलअनुसारका दरभाउपत्र पेस भएको पाइयो ।

तपसिल

माथि पेस भएका निर्माण कम्पनीहरूको तुलनात्मक अध्ययन गर्दा सबैभन्दा कम लागत अनुमान प्रस्ताव गर्ने चितवन निर्माण कम्पनी, भरतपुर ले उक्त निर्माण कार्य रु. ७,३८,०००/- (अक्षरेपि सात लाख पैतालिस हजार मात्र) मा सम्पन्न गर्नेगरी कबोल अङ्क पेस गरेको र उक्त अङ्क लगत इस्टिमेट रु ७,५०,०००/- ( अक्षरेपि सात लाख साठी हजार मात्र) (मूल्य अभिवृद्धि करसमेत) भन्दा १.६०% घटी रहेकाले सार्वजनिक खरिद नियमावली २०६४ को नियम ८५ को उपनियम (१) बमोजिम दरभाउ पत्र स्वीकृत गरी उक्त निर्माण कम्पनीलाई माथि उल्लेख भएबमोमिको निर्माण कार्य सम्पन्न गर्ने गरी कायदिश दिन मनासिब देखिएकाले आवश्यक निर्णायार्थ पेस गरेको छु ।

पेस गर्ने
सही : .................
दिनानाथ उपाध्याय

निर्णय तथा आदेश

पेस हुन आएको टिप्पणी मनासिब देखिएकाले टिप्पणीमा उल्लेख भएअनुसार दरभाउ पत्र स्वीकृत गरी निर्माण कार्य सम्पन्न गर्नका लागि कार्यादेश दिइएको छ ।

सही : .................
सुमन उप्रेती
मिति : २०७८/१०/१८
कार्यालय प्रमुख

उत्तर :

मिति: २०७५/११/२५ गते

श्री सम्पादकज्यू,
कान्तिपुर पब्लिकेशन
काठमाडौं, नेपाल

विषय: समाचार राखिदिने बारे ।

महोदय,

पोखरा महानगरपालिकामा यहि चैत्र ५ गते देखि लेखनाथ महोत्सव सुरु हुदै छ । यस महोत्सवमा विभिन्न किसिमका सांस्कृतिक प्रदर्शनीहरुको आयोजना हुने छ । पोखराको ब्यापार प्रवर्दन गर्ने तथा यहाँको समाजलाई नेपालभर परिचित गराउने उद्देश्यका साथ यस महोत्सव सुरु हुन गइरहेको हो । यसबारेमा यहाँको पत्रिकामा पनि समाचार राखेर पोखराको पर्यटन विकासमा सहयोग गर्नुहुन अनुरोध छ ।

महोत्सवको विस्तृत विवरण यसैसंग संलग्न गरि पठाईएको छ ।

भविदय,
स्वस्तिका पोखरेल
अध्यक्ष, लेखनाथ महोत्सव आयोजना समिति

उत्तर :

धेरै पहिले हलेसी धाम भएको ठाउँमा घना जङ्गल थियो । त्यहाँ धेरै जङ्गली जनावर थिए । किंवदन्तीअनुसार हलेसी गैरीगुठका वाग्वंशी राई कुकुर र केही साथीसहित सिकार खेल्न हलेसी महादेव गुफाको नजिक पुगे । अनकन्टार जङ्गलमा एउटा सुन्दर मृग देखियो । वाग्वंशीको कुकुरले मृगलाई लखेट्यो । वाग्वंशी पनि कुकुरको पछिपछि दौडिए । केही पर पुगेपछि मृग र कुकुर दुवै जमिनभित्र हराए । कुकुर भुकेको आवाज सुनियो तर कुकुर देखिएन । रात पर्न लाग्यो । वाग्वंशी घर फर्किए । उनले खाना खाए र सुते ।

भोलिपल्ट उनी केही साथीसहित त्यही ठाउँमा पुगे । उनीहरूले कुकुरका पाइलाका डोब भेटे । उनीहरू झाडी फाँड्दै अघि बढे । अन्ततः जमिनमुनि एउटा डरलाग्दो गुफा भेटियो । वाग्वंशीले जे पर्ला भनेर साथीहरूको सहयोगमा डोरीको सहायताले गुफाभित्र हाम फाले । गुफाभित्र पुग्दा झिलिमिली उज्यालो थियो । त्यहाँ शिवपार्वती प्रमथगणसहित आनन्दले बसेका थिए । वाग्वंशीले शिवपार्वतीलाई प्रणाम गरे ।

त्यसपछि वाग्वंशी गुफाबाट बाहिर आए । गुफाको प्रचार फैलियो । धेरै मानिस त्यहाँ जम्मा भए । उनीहरूले गुफाभित्र जाने बाटो बनाए । मानिसहरू गुफाभित्र प्रवेश गरे । त्यहाँ पुग्दा शिवपार्वती अन्तर्ध्यान भइसकेका थिए । उनीहरूको स्थानमा मूर्तिहरू मात्र थिए । त्यसपछि त्यहाँ शिवको पूजा आराधना गर्न थालियो ।